پاره‌ بۆ گریان !!!!!

 

له‌ رۆژ هه‌ڵاتی وڵاتی چین دا چاخانه‌یه‌ک کراوه‌ته‌وه‌ که‌ خه‌ڵکی بۆ گریان و فرمێسک داڕشتن ده‌ڕۆنه‌ ئه‌وێ ..

پاره‌ی هه‌ر رۆشتن و شینێک و خوارده‌نه‌وه‌یه‌ک شه‌ش دۆلاره‌ .. 

ئه‌م چاخانه‌یه‌ بۆ ئه‌وه‌کراوه‌ته‌وه‌ که‌ شوێنێک بێت بۆ ئه‌و که‌سانه‌ی که‌ حه‌ز ده‌که‌ن باری ده‌روونیان که‌م بێته‌وه‌ و هه‌ستی ده‌روونیان روو له‌ مردن نه‌ڕوات .

                     

جیا له‌ مۆسیقایه‌کی ئارام ، پیاز و بیباری سوور ده‌درێ به‌ موشته‌ریه‌کان.

به‌ڕێوه‌به‌رانی چاخانه‌که‌ ده‌ڵێن که‌ رۆژانه به‌ سه‌دان که‌س سه‌ردانیان ده‌که‌ن .

 

           

قوڕاوه‌که‌ی قه‌شمه‌رئاوا...

برا خۆ به‌ ناشوکری نه‌بێ،زوانم لاڵ،قه‌شمه‌ر ئاوا وای لێ کردوم که په‌یڤ هه‌تیو که‌وتووه‌. برا هیچی بۆ نانووسم وه‌ک شوورای ئاوایی ؛ هه‌ر وام له‌ بیری ئاوایی دا .

ئه‌وا دیسانه‌وه‌ دوو بانگـه‌وازم داناوه‌ بۆ ئاوایـی قه‌شمـه‌رئـاوا .

ده‌ی برا چی بکه‌م !!!! من نه‌بم قه‌شمه‌ریه‌ک بنوێنم و خه‌ڵکی پێ سه‌رگه‌رم بکه‌م . قه‌یخا نه‌بێ له‌م لا و له‌ولا پڕوپاگه‌نده‌ بکات بۆ کێشانی تووریست و جه‌هان گه‌رد . بنـار نه‌بێ ورده‌واڵه‌یه‌ک بفرۆشێت . ئیتر کێ بێت کار و باری ئاوایی بچه‌رخێنێت . ده‌نگ که‌ به‌رده‌وام هه‌ر بێ ده‌نگه‌ . قوون به‌گێچه‌ڵ که‌ بۆ شه‌ڕه‌که‌ش فریامان نه‌که‌وت .

 

به‌ڵام ئائه‌مه‌‌ له‌ ژێر لچه‌وه‌ بخۆێنه‌وه‌ .......

"برا قسه‌ی خۆمان بێت ، قسه‌ی برایه‌تیمان بێت ، ئێوه‌ش وه‌ک برام وان !!! په‌رژینێک زۆرزۆر قاییم بێ !!! وه‌ک مه‌لا نه‌سره‌دین وتی له‌ جووانیش دا هیچ گوویه‌ک نه‌بووم ، به‌ خوا منیش پێشتر هیچ .... نه‌بووم که‌ ئیستا که‌ وا خۆم هه‌وڵ کردوه‌ ، به‌ڵام با له‌ به‌ین خۆمان ده‌ر نه‌چێ ".

 

دوو مه‌ڵپه‌ڕ ......

ئه‌م دوو مه‌ڵپه‌ڕه‌ش بناسه‌

 

       قه‌شمه‌ر  ئــاوا               http://qeshmer.blogfa.com

             ره‌وگـــه‌            http://www.rewge.com

 

 

 

ئه‌سپی کورد، ناسنامه‌ی جیهانی په‌یدا کرد

                       

ئاژانسی ئێرانی ئیسنا ڕایگه‌یاند، سه‌رۆکی کومپانیای نێونه‌ته‌وه‌یی ئه‌سپی ئوسترالیا، رالی ڕایگه‌یاندووه که به نموونه‌هه‌ڵگرتن له چه‌ند سه‌ر ئه‌سپی ڕۆژهه‌ڵاتی کوردستان له کرماشان، ئه‌سپی کورد، ناسنامه‌ی جیهانی په‌یدا کردووه.

رالی ڕایگه‌یاند، به نموونه هه‌ڵگرتن زیاتر له 110 سه‌ر ئه‌سپ له کرماشان و لێکۆڵینه‌وه دی‌ئێن ئه‌ی DNA و ژێنتیکی ئه‌وان و سپاردنیان به بانکی زانیاریه‌کانی ژنێتیکی جیهانی، توانیمان ناسنامه‌ی جیهانی ئه‌سپی کورد ده‌ستنیشان بکه‌ین.

ناوبراو ڕایگه‌یاند ئوستانی کرمانشان یه‌کێک له‌و شوێنانه‌یه، که ره‌سه‌ن ماوه و بۆ په‌روه‌رده‌کردن و پێگه‌یاندنی ئه‌سپ و ته‌نانه‌ت بۆ فرۆشتنی بۆ وڵاتانی جیهانی ده‌کرێت له سه‌ری کار بکرێت، به تایبه‌ت که ئه‌سپی کوردی له باری ژێنێتیکی و له‌ش و لاری، تایبه‌تمه‌ندی بێ‌وێنه‌ی هه‌یه، بۆیه به نیازین ئه‌م ئوستانه بکه‌ین به یه‌کێک له ناوه‌نده‌کانی فرۆشی ئه‌سپ له ئاستی ئێران و جیهان.

سه‌رۆکی کومپانیای نێونه‌ته‌وه‌یی ئه‌سپی ئوسترالیایی هه‌روه‌ها ئاماژه‌ی به‌وه کرد که هه‌ناردنی ئه‌سپ بۆ 22 وڵاتی ڕۆژهه‌ڵاتی ناوه‌ڕاست و به تایبه‌ت وڵاتانی عه‌ره‌بی، به یه‌کێک له ده‌رفه‌ته‌کانی باش هه‌ڵسه‌نگاند، که ده‌بێت ئه‌سپی کوردی شوێنی خۆی تێدا بدۆزێته‌وه.

ناوبراو هه‌روه‌ها باسی له تایبه‌تمه‌ندیه‌کانی ئه‌سپی کوردی کرد وتی: ئه‌سپی عه‌ره‌بی به‌ره‌و شێوه‌ی مینیاتۆری ده‌ڕوات، به‌ڵام ئه‌سپی کوردی سه‌ره‌ڕای باری ژێنێتیکی و له‌ش و لاری، به‌هێز و به‌توانایه و بۆ په‌رین و خێرایی ئه‌مه شتێکی تایبه‌ت و بێ‌وێنه‌یه.

به‌رێوبه‌ری کومپانیای نێونه‌ته‌وه‌یی ئه‌سپ هه‌روه‌ها رایگه‌یاند که ئه‌وان بریاریان داوه‌ که له کرماشان کێ به‌رکێکانی نێونه‌ته‌وه‌یی به‌رێوه به‌رن و وتیشی که ئوستانی کرماشان، ئه‌و ده‌رفه‌تانه‌ی تێدا ده‌بینرێت.

رالی هه‌روه‌هاش ئه‌وه‌شی ڕاگه‌یاند که له دوای بڵاوبوونه‌وه‌ی هه‌واڵی به جیهانی بوونی ئه‌سپی کوردی و سپاردنیان به بانکی زانیاریه‌کانی ژنێتیکی، نرخی ئه‌سپی کوردی بڕه‌وه‌ی سه‌ندووه.
هاوکات دوکته‌ر موقسوودی فه‌رد، به‌رپرسی پزیشکی ئاژه‌ڵانی ئوستان له‌و چاوپێکه‌ونه‌ رۆژنامه‌وانیه ڕایگه‌یاند، که ئه‌وانیش هه‌موو هه‌ولیان بۆ گه‌شه‌ندنی ئه‌وه‌ی که ئه‌سپی کوردی له جیهان بناسرێت ده‌ده‌ن و له هه‌مان کاتیشدا وه‌ک پیشه‌یه‌کی به‌رهه‌م هێنه‌ر سه‌یری ده‌که‌ن بۆ پاشه‌ڕۆژی ئه‌م ئه‌وستانه.

شایانی باسه ئه‌سپی کورد له ڕۆژهه‌ڵاتی کوردستان 4 تیره‌ی به ناوه‌کانی سه‌نجابی، جاف، که‌لهور و هه‌وشار هه‌یه.

هه‌ی هه‌ی و هۆ هۆیی جوتیاران

دیمه‌نه‌ جوانه‌کانی سرووشت، تێکه‌ڵ به شاڵاوی گه‌رما له پاڵ خه‌ڵکی جووتیاری یه‌ک دڵ و خۆراگری کورده‌واری دا. ده‌یان دیمه‌ن ده‌خولقێنێ.

دیسانه‌وه‌ وه‌رز وه‌رزی دوورین و کۆکردنه‌وه‌ی ئاڵفه‌ و مانگ مانگی جۆزه‌ردانه‌. له رێگای ئاوایی سه‌رنژمار که بۆ تاقیکاریه‌کانی ئاخری ساڵ ده‌ڕۆیشتم. هه‌ر خه‌ڵکی بوون که له‌م به‌ر بۆ ئه‌و به‌ر هاواریان ده‌کرد له یه‌کتر

 

 _)"ه..ۆ کاکه‌ ره‌حیم ئابێ چایه‌ک بخۆ ".

_) "به‌زیاد بێ "...

 

له لایه‌کی دیکه‌وه‌

 

_)"ه..ۆ هۆۆ کاکه‌ مه‌حموو کاکه‌ مه‌حموو "...

_)"به‌ڵی هۆۆۆۆ"...

_)"ماوتانه"‌...

_)"ته‌واو بووین دێن بۆ یارده‌تان" ..

 

هه‌ر ده‌نگی هه‌ی هه‌ی و هۆ هۆیی جوتیاران دێت که ئاوڕ له یه‌کتر ده‌ده‌نه‌وه‌ و گڕ و تین ده‌خه‌نه‌ دڵی یه‌کتره‌وه‌ . و جارو باریش ده‌نگی بلوێری شوانێک بێ ده‌نگی کوێستان ده‌شکێنێت .